Vawiin  khan Thuamluaia Mual Lungleiah Teachers Day ropui taka lawm a ni a, Education Minister Pu Lalchhandama Ralte chu khuallian a ni. MZP Hqrs Lunglei leh Mizoram Independent School Association Lunglei te buatsaih Thuamluaia Muala Teachers Day lawmna inkhawm hi K.Lalremruata Vice President MZP Hqrs Lunglei in a kaihruai a.

Khuallian Pu Lalchhandama Ralte Education Minister chuan thu sawiin, Mizoram Sawrkar chuan Zirtirtute Ni hi a ngaipawimawh a, chuvangin nakum lam atang chuan ropui zawk leh awmze nei zawka lawm dan ngaihtuah tum a ni a ti. Zirtirtute Ni a lo thlen hian kan chawimawi Zirtirtute hian kan ram kan hnam kal zelna tur atan Mistiri an ni tih inhre thar sela, kan hnam kal zel dan tur chhertu an nih avangin an mawhphurhna an hriat chian angaia mipuite pawhin Zirtirtute ni hi kan hlut tur a ni a ti.  Minister chuan Ram leh hnamin a chawimawi te pawh hian zirlai naupangte thinlungah Text bu atanga thiamna ringawt pe loin an hmalam hun kal zel tur atan an nunah enge an tuh ang tih an hriat chian a, an mawhphurhna an hlen angai a ni Minister hian tiin, Zirtirtu hna chu ei leh bar hmuh nan ringawta thawk loin mihring te nun puitling nei tura chhertu an ni tih hi Zirtirtute Ni kan hman hian an thinlung ah thar se a duhawm hle a ni a ti. Zirtirtu tha chawimawina chi hrang hrang Sawrkarin a pek thin te hi Sawrkar Sikul a thawk te tan bik a nilo tih kan hriata Private Sikul a Zirtirtu te pawhin an dawng thei vek a ni tih hriaa chawimawina dawng tlak ni tura theihtawp chhuah thar leh turin Zirtirtu zawng zawng te a sawm a ni .

Thuamluaia Muala Zirtirtute Ni lawmna ah hian Pu Lawmawma Tochhong HPC Vice  Chairman, Dr.Vanlaltanpuia MYC Chairman te bakah MZP Hqrs, Lunglei President leh MISA,Lunglei President ten thu an sawi bawka Zirlai naupang ten Zirtirtute chawimawina hun hmangin zai leh hnam lam chi hrang hrang an entir bawk a ni.