Dr. Ramfangzauva, Director, Health Services, Mizoram in thu chhuah a siam angin Mizoram sawrkarin Civil Administration area fel tak ruahman sa a neih ang a kal hi Health Department tan pawh awlsam leh remchang zawk a nih avangin heng khua te Suarhliap, Saikhawthlir leh Chuhvel, Chief Medical Officer, Kolasib hnuaia awm mek te hi September 2012 atang chuan Chief Medical Officer, Mamit District hnuaiah an awm tawh ang.

Thu chhuahah chuan Chief Medical Officer, Kolasib leh Chief Medical Officer, Mamit te chuan thil tul leh pawimawh te siam felin 15 September, 2012 hma in compliance report Director of Health Services ah thehlut tura hriattir an nih thu a tarlang bawk.