351/2022-2023
Siaha; the 29th April,2022: Ministry of Health and Family Welfare, Govt of India-in India Independence kum 75-na lawmna, Azadi ka Amrit Mahotsav puala April ni 18 - 29, 2022 inkar chhunga India ram chhung block tina Health Mela (hriselna kutpui) buatsaih tura a ruahman angin, vawiin chawhma dar 11:00Am khan National Health Mission (NHM), Health & Family Welfare Department huaihawtin Tipa RD Block tan Tipi-ah block level health mela buatsaih a ni.

Health Mela hi Pu Lalsangliana Deputy Commissioner, Siaha District in a hawng.Hawnna thu sawiin, Pu Lalsangliana chuan Tipa RD Block tana Nikhat awh Hriselna kutpui kan hmang thei chu lawmawm ka ti tak zet a, Health Mela buatsaihtu Medical department chungah pawh lawmthu ka sawi tak zet a ni. Tipa leh a chhevel khua atang Health Mela lo chhimtu zawng zawng te hnenah pawh, vawiina Health Mela hian damna leh hriselna tha zawk pe theuh che u rawh se, tiin duhsakna a hlan hlawm a ni.

Health Mela puala inkhawm tawi hi Dr.Lalnunziri Chief Medical Officer in kaihhruaiin,
Dr.S.Vabeilysa SMO Siaha in Mela Chhimtute chawnglawmna thu a sawi hnuah Health Mela puala inentirna hun hi tan a ni.

Tipa a Health Mela buatsaih-ah hian Stalls 22 lai mai hawn niin, damlote en hna bakah Awareness campaign hun atan hman a ni bawk.