No.2934/2021-2022

Aizawl the 10th November,2021: Vawiin chawhma dar 10:30Am khan Tipa 'B' VC Court House-ah Deptt.of Animal Husbandry & Veterinary Mizoram, KVK Siaha leh ICAR-National Research Centre on Mithun, Medziphem, Nagaland te tangkawp chuan Tipa Sub-Division huamchhunga Sial(Mithun) vulhtute tan Training an buatsaih. Training hawnna inkhawm hi Dr.Lalthansanga Khiangte,VO,Tipa in Kaihruaiin, Dr.Sahlu Khaila,DVO,Siaha chuan Training hawnna thu sawiin, Sial vulh hi tunlai chuan ei zawnna hlawk tak, ro phumruk nei ang a ni tiin, training chu hlawkpui ngei turin traninees te hnenah duhsakna a hlan.

He Sial vulhtute tana training buatsaihah hian, Sial vulh dan tha leh hlawk zawk zirtirna,Dr. Kobu Khate, Chief Techical Officer, ICAR- National Research Centre on Mithun Nagaland leh Dr.H.Lalzampuia Scientist ICAR Mizoram bakah Dr.Lalzaidami KVK Siaha ten an pe a ni.

Tipa Sub-Div. huamchhunga Sial vulhna khua Tipa-B, Chapi, Chheihlu leh Laki khua atangin Sial vulhtu mi 46 ten Training hi a chhim a ni.Tipa Sub-Division huamchhungah hian Sial vulhna khua, Siata, Chheihlu, Chapi, Laki leh Tipa B te a awm mek a ni.