Nimin chawhma dar 11:00am khan  Tisi luikama Treatment plant-ah Tipa leh achheh vel khuate chawmtu tur Tipa and Surrounding Villages Water Supply Scheme chu Pu Zodintluanga, Hon'ble
Minister, PHED chuan a khuallian niin a hawng. He Tipa W/S/S hawnna inkhawm hi Er. Lalmuanzova,E-in-C,PHED chuan a kaihruai a, Pu Hiphei, Hon’ble Speaker Mizoram legislative Assembly chu khualzahawm  a ni. 

Khuallian Pu  Zodintluanga chuan thu sawiin,  Tuipang khua leh a chhevel tui harsatna tikiang tura Tisi lui pump theia a awm hi ka lawm tak zet a.  kan Minister hmasa Pu S.Hiato hma lakna rah a ni a, a chungah pawh lawmthu ka sawi a ni, a ti a. Tu ten emaw   Congress Sawrkarah chuan Development hi a CHHUTI a ni an tih chu thil nuihzat thlak tak a ni, a ti.  kan sawrkar chhunga Department dang hnathawh chu sawi lovin, ka chan  PHED a mi chauh pawh hi nileng sawi tham a ni. Tu te emaw kum 10 an sawrkar chhung khan NEC,DoNER, UD&PA etc atang khan eng Water Supply Scheme nge  an siam ve le?.  kan sawrkar chhung  hian NEC atangin tuilakna kan siam te chu Sangau Water Supply Scheme Phase-I&II, Bualpui  "Ng" and Lungzarhtum, Phuaibuang, Vairengte, Lengpui leh Darlawn water supply Scheme te kan siam a. DoNER atangin  W.Phaileng,Bilkhawthlir, Sairang, Bairabi, Lawngtlai, Khawbung leh Aibawk water supply Scheme te kan siam a. UD&PA atangin Tlabung, Khawzawl, Saiha leh Biate  Greater water Supply scheme te kan siam bawk a. Nizung chakna hmanga tuilakna Solar Pumping ringawt pawh hi Tongkalong, Sekhum, Mornai Cherra, Buarpui leh Kelkangah te kan bun tawh a ni, a ti.

Khualzahawm Pu Hiphei pawhin thu sawiin, a bial chhunga Tui harsatna khua Tokalo, Tipa  leh a chhevel khua  chawmtu tur Water Supply Scheme hawn theia a awm chu lawmawm a tih thu sawiin, Pu Lal Thanhawla a lo CM a piang hian keini minority Mara, Lai leh chakma te hnenah malsawmna a luanglut thin a ni, a ti. 

Tuipang W/S/S hawnna inkhawmah hian  Er. C.Lalremsiama,CE Zone-II,PHED in technical report pein, Tuipang &Surrounding Villages Water Supply Scheme hawn tak hi cheng nuai Rs.941.13 senga din a ni a.
NLCPR (Doner) atanga Fund hi hmuh a ni, a hna  hi contractor H.Sanga, Chandmar,Aizawl in a thawk a ni. He water supply  Scheme siam hna hi ni 17th March,2011 khan tan a ni a,ni 30 April,2015 khan commissioned a ni. Phase-I and II a thenin, Phase-I hian Tipa, Theiri leh Siatlai te a tuam a. Phase-II hian Tipa'L', theiva, Amobyu "l" & 'Ch" leh Zero khua te a tuam dawn a ni.. Phase-I hian nikhatah tui 2,06,000litres a pe chhuak thei dawn a,Phase-II hian nikhatah tui 3,85,000litres pechhuak thei tura ruahman a ni.Phse-I hian mi 11,763 lehPhase-II in mi 15,864 chawn zo tura ngaih a ni. Tui hi Tisi lui atanga lak a ni a. Treatment Plant   pawh Tisi luiah hian hun niin, water treatment plant hian  Cascade aerator,electro chlorination Mac-100, Pre-sendimentation Rapid Sand Filter 0.5Mld capacity with Disinfectant System a nei a.Tuipump nan hian pump khawl 2 150\Kw a hmanga,darkar khatah tui
35,000litre a pump thei a ni. Tui Pump san zawng (Static head) hi 777M a ni a, Main reservoir Siatlaia khua a hun chuan tui 2,30,000litre a dawnga, Zonal tank Tia'V' a mi hian70,000litre a dawnga, Theiri khuaa hun hian litre 30,000 a dawng ve thung a ni. water storage te hi RCC Circular shape a siam an ni.Feeding main thui zawng hi 24,220|RM a ni a, Distribution Network sei zawng hi 6,727RM a ni ve thung. Phase-I hian Public  Point 30 a chawm a ni. Phase-I thawhzawh hnu-ah Phase-II hi thawh leh tur a ni.  Tunah rih chuan Power Supply khamkhawp ala awmlo avangin duhthusamin he Tuipang WSS  hian hna ala thawk theih rih lo a ni.

Programme-ah hianPu RT.Zachono CEM,MADC,Pu S, Hiato ex-PHED Minister leh MDCC president ni bawk te leh Pu. A.Nguntluanga  VCP, Tipa'V’ ten thu sawina hun an hmang bawk a ni.