3939/2024-2025

Aizawl, the 24^th January 2025:   NITI Aayog chuan a hnuaia tarlan ang hian thuchhuah siamin Tlawmngai Pawl – NGO, NPO,etc.., te chu NGO Darpan Portal ah an in ziahluh tawh a ngai a. NITI Aayog thuchhuahin a tarlan dan chuan Tlawmngai pawl zingah  State Sawkar Department leh Central Sawrkar Ministry hrang hrang hnuai atanga tanpuina dil thin te, scheme thenkhat kalpuia thawk thin an awm chuan NITI Aayog hnuaia NGO Darpan Portal a an inziahluh a ngaih bakah UID an neih a ngai tawh a ni. 

NITI Aayog hian ‘NGO Darpan Portal’ a nei a, hetah hian Non-Profit Organization (NPO) te chuan Unique identity number nei turin an inziak lut thei a ni. He number hi India sawrkar Ministry/Department atanga grant diltu NPO zawng zawng tan tih ngei ngei tur a ni. Prevention of Money Laundering (Maintenance of Records) Amendment Rules, 2023 in a phut angin financial institution zawng zawngte chu Bank eng pawha account hawn leh kalpui theihna tur NGO Darpan Unique ID lo enfiah zel turin thupek pek an ni a. Chutiang bawkin FCRA registration/renewal atan pawh Darpan Unique ID a ngai a, Income Tax 80-G hnuaiah exemption dil na atan pawh a ngai tawh bawk a. Chuvangin, tunah chuan NPO zawng zawngin banking system kaltlanga an hnathawhna an kalpui theih nan Darpan Unique ID hi an neih ngei ngei a ngai tawh a ni. 

NGO Darpan Portal hian Dashboard a nei a, chutah chuan NPO hrang hrang (Registration, Member, Area of work, etc.),chiang takin tarlan a ni a.  Central Sawrkar Ministry/Department atanga an sum hmuh leh pekchhuahna ang zawng zawng te (Ministry/Department-wise, Scheme-wise, NPO-wise, State-wise, Year-wise, etc.), a awm bakah blacklisted NPOs, etc te pawh a in tarlang vek a. He  search features atang hian  NPO kan hriat duh bik  chungchang a promoter, region, place, sector, leh a dangte chiang takin a hriat theih a ni. 

NPO kaltlanga scheme kalpui dan buaipuitu State Sawrkar Department-te chuan thutlukna siamna atan NGO Darpan Dashboard hi an hmang tangkai thei ang:

 (i) NPO-te details, Darpan Portal-a inziak lutte chu State/UT Sawrkar-in a hmu thei ang a. He facility hi kum 2019 atang khan State/UT Nodal Officer te hnenah pek a ni tawh a. State/UT-a Department zinga la ti lo te pawhin NGO Darpan team hnen atangin Dashboard atana Login credentials an la thei bawk ang.

(ii) State/UT-a Concerned Department-in NPO-te blacklist-a a dah theihna tur chhan hrang hrang te a in tarlang a. Blacklisted te hian Central Government Ministries/Department dang atangin Grant an hmu thei tawh dawn lo a. Chutiang blacklist NPO list chu Darpan Portal leh Dashboard-ah te hian tarlan a ni.

Central Government-a Ministries/Department-te chuan Darpan ID hi an nei vek tawh a, Darpan Dashboard hi NPO-te hnena grant pek chungchangah thu tlukna siam nan an hmang mek a. Blacklisting hman a nih hnu hian in bumna pawh a ti ziaawm chhi mek a ni. Darpan Portal hi NPO-te’n scheme/programme an kalpui hunah Central leh State Sawrkar agency-te’n thutlukna dik tak an siam theihna turin  universal database anga rinrawl tur a ni. 

Sawi tawh hang hian, State Sorkar/UT te chu State Department hrang hrang atanga grant diltu NPO zawng zawngte tan Darpan ID hi tih tir ngei ngei tur (mandatory) in  kan inhriattir a ni.

State/UT ten NGO Darpan Dashboard tana login credentials chungchangah harsatna a neih chuan Shri Mahendra Pal Kulshreshtha, Sr. Director, NIC, email: hod-nitiaayog@nic.in hnenah zawhfiah theih a. A tul chuan a Mob. 9466111303 ah direct in a biak theih bawk.