2995/2022-2023
Aizawl 8th December 2022: Vawiin khan Pu H.Rammawi, Vice Chairman, Mizoram State Planning Board kaihhruaiin Planning & Programme Implementation Committee Room-ah 'Conservation of Tlawng River' chungchang ngaihtuah ho a ni.
Pu H.Rammawi chuan Tlawng lui chu Mizorama lui hmingthang leh tangkai tak a nih mek laiin kan tibawlhhlawh nasa tawh hle a, luia cheng nungchate mai bakah a bul hnaia cheng mihringte ngei pawhin kan tuar mek a ni a ti. Tlawng vawngfai a, ti thianghlim tur hian sawrkar department hrang hrangte thawhhohna tha a pawimawh rualin mipuiten mawhphurhna nasa tak an nei a, bawlhlawh sawngbawl leh paih danah pawh fimkhur tlan a ngai hle a, a bik takin Aizawl mipuite chu AMC (Aizawl Municipal Corporation) te ruahhmanna siam anga tha taka bawlhhlawh paih thin a pawimawh hle a ni a ti a. Khawvel pumpuiah tui thianghlim a vang mek zel a, chuvangin nunphung thlak a, faina leh thianghlimna kawng zawh thuai a nih loh chuan tun aia nasa zawkin kan tuar thei dawn a ni a ti. Pu H. Rammawi chuan mipuite chu bawlhlawh tawih thei leh thei lo, plastic thliar kawngah leh leivung paih kawngah fimkhur lehzual turin a sawm nghal a ni.
Vawiin Consultative meeting thutkhawmnaah hian ‘Conservation of Tlawng River and its tributaries through catchment area treatment or protection of its tributaries’ tih thupui hmanga Land Resources, Soil and Water Conservation Department project buatsaih chu sawiho a ni bawk a. He project hnuaiah hian Tlawng lui vawn thianghlimna tur kawng hrang hrangte tarlan leh zirho a ni a. He project atan hian cheng 4.27 vbc. vel beisei niin funding hi North East Special Infrastructure Development Scheme (NESIDS) kaltlanga hmuh beisei a ni a, Planning and Programme Implementation Department ten an buaipui dawn a ni.
Vawiin meeting-ah hian Land Resources, Soil and Water Conservation (LRS&WC), Urban Development & Poverty Alleviation (UD&PA), Mizoram Pollution Control Board(MPCB), Public Health Engineering (PHED), Mizoram Remote Sensing Application Centre (MIRSAC), Aizawl Municipal Corporation (AMC), Planning & Programme Implementation (P&PI) aiawhte an tel a, hun remchang hmasa berah thukhawm leh turin an rel a ni.
Attachment
- Loading attachment...
