Tourism Minister Pu John Rotluangliana Delhi-a cham mek chuan vawiin chawhma dar 11:00 khan Central sorkar a Tourism Minister Pu KJ Alphons chu hmu in Mizorama Swadesh Darshan Project pathumna tur a sawipui.

Union Minister chuan Mizoram  Tourism in a dilna a thawn " North East Circuit at Mizoram including Serlui B- Kolasib- Baktawng- Sialsuk-Champhai-Lunglei" chu a tha  tiin he project concept presentation hi June Ni 8, 2018 (Friday)  a neih turin a ti a. Hemi hi pawm anih chuan Sawrkar laipui hian hmala turin in a saction dawn a ni. He project hi sanction a nih chuan Tourism lamah hmasawnna tam tak Mizoramin a neih ngei beisei a ni. 

Chawhnu Dar 1:00 khan Ravikant, Secretary,  Consumer Affairs,Food & Public Distribution, Goverment of India chu a office ah a hmu a. Pu Ravikant chuan Kudam (Ware House) sakna tur Detail Project Report chu lo zirchian a,  sanction anih thuai theih nan hma a lo lak tur thu a sawi bawk. Buhfai supply indaih lohna nasa tak chu tun dinhmun ah chinfel theih mai nilo mahse Open Market Sales Scheme (OMSS) dil ang anga a lo ngaihtuah tur thu a sawi bawk. Pu Ravikant chuan Sairang a FCI kudam pawh a rang thei ang bera sak tan turin hmaa lak tur thu a lo sawi a ni