2198/2023-2024

Aizawl the 6th October, 2023 : Vawiin khan Tourism Secretary Dr. Lalrozama hovin October ni 20-21, 2023 chhunga Reiek-ah 'Anthurium Festival 2023' neih tur chungchangah meeting pawimawh tak neih a ni a, Tourism Department officials bakah Horticulture, Police,Traffic, Fire, PWD, PHE leh I&PR aiawh official-te an tel a ni.

Ni hnih chhung awh tur 'Anthurium Festival 2023' ah hian Mizo hnam zai leh lam te, Mizo thuam chi hrang hrang pholanna te, Mizo siam ei leh in turte leh intihlimna chi hrang hrang a awm dawn a. Mipuiten him leh hlim taka Festival hun an hman theih nan Police lam pawhin venhimna (security) tha taka kenkawh an tum a ni.