No.3039/2021-2022
Aizawl, the 18th November 2021: Vawiin khan Tourism Secretary Pi K. Lalrinzuali hovin a pisaah 'Winter Festival 2021' neihdan tur rel a ni a. He meeting-ah hian Tourism Director Pu V. Lalengmawia leh Organising Committee Member officials engemawzat an tel.

Tourism Secretary Pi K. Lalrinzuali chuan hripui leng mek karah pawh Tourism department chuan a hmachhawp hrang hrang tihhlawhtlin hram a tum zel a, Covid laka mipuite him nana sorkarin SoP a kalpui mekte zawm chungin, fimkhur takin thla lehah 'Winter Festival' hi buatsaih tum a ni a ti. Tourism Department hmalaknate mipuiin an hlut sak thiam thin a, Anthurium Festival neih zawh tak pawh chhimtu an tamin, virtual programme pawhin thlirtu a ngah hle avangin Department aiawhin lawmthu a sawi a. Thla leh December chawhma lama 'Winter Festival' buatsaih tur pawh hrileng karah mipuiten rilru tihthawvenna tur leh intihhlimna tur an mamawh em em a ni tih hriain Tourism department chuan Winter Festival neih theih ngei turin a inpuahchah dawn a ni a ti.

Winter Festival 2021 neih turah hian mipuite a zau thei ang bera an tel ve theihna tur intihsiakna chi hrang hrang - cake baking competition te, christmas decoration competition te, traditional food court, fashion show, obstacle course, photo booth, etc te huaihawt tum a ni.