Mizoram State sorkar Notification No.B.12021/10/04-TRF dt.22.8.2008 leh MV Act 1988 Section 116 & 117 na in thuneihna a pek angin SP (Traffic) Aizawl chuan mipuite himna leh lirthei khalhtute remchan zawk nan a hnuaia hun leh hmun tarlan ah te hian lirthei tlan dan tur thupek thar a chhuah a. He thupek thar hi ni 23.4.2012 (Thawhtanni) atanga hman nghal tur a ni.
1. 407 leh a chunglam tan zing dar 8:00 am - dar 11:00 am leh tlai dar 4:00pm - dar 6:00 pm chhungin Chanmari West junction atanga Vaivakawn inkarah tlan chhuk phal a ni lo.
2. 407 leh a chung lam tan dar 8:00 am - 7:00 pm inkarah Chanmari, Hrangbana College bula atangin MC Donald Hill ah tlan chhoh theih a ni lo.
3. Khatla North, Industry Directorate Office bul Jeepable road ah hian School naupang hruai motor eng chi mah tlan thlak phal a ni lo.
4. Modern School junction atanga New Marker kaltlanga Sakawrpului panna kawngpuiah motor eng chi mah, Two wheeler pawh tiamin zing dar 6:00 am - dar 8:00 pm inkarah tlan luh phal a ni lo. HMV leh MMV tan engtiklai pawhin ‘No Entry’ a ni.
5. Khatla kawn atanga rawn tlan pheiin ding lamah kualin Sikulpuikawn lam hawiin chho zawngin lirthei eng chi mah zing dar 8:00 am - 10:00 am inkar leh tlai lam dar 4:00 pm - 6:00 pm inkarah tlan phal a ni lo.
6. 407 leh a zawlpui chin chung lamte chu Maubawk kawn atanga Bungkawn Vengthar kal tlangin Khatla - New Secretariat Junction lam hawi zawng chauha kal phal a ni tawh ang.
