2086/2022-2023
Aizawl, the 27th October 2022: 'Ram Pum Huap Camping’ ni 17.10.2022 atangin Ch. Saprawnga Truck Terminal, Rangvamualah neih a nih dawn avangin, a hnuaia mi ang hian lirthei tlan dan tur leh din/park dan tur hriattirna Pu Rodingliana Chawngthu, Sr SP, Traffic chuan a chhuah.
1. Ch. Saprawnga Truck Terminal, Rangvamual ah hian phalna nei (Terminal chhunga Godown nei) te chauh din leh luh phal a ni.
2. Lirthei lian HMV/MMV Bawngkawn pal tlang tur te chu Lirthei lian tlan dan awmsa angin an tlan ang (Sairang - Zemabawk 8:00 AM-1:00 PM, Zemabawk - Sairang 1:30 PM-7:00 PM). Truck lian Bawngkawn kaltlang tur te chu hemi hun mil hian in ruahman tur a ni.
3. Sairang leh Aizawl inkar ah HMV/MMV engmah hun/park phal a ni lo.
4. Sairang lam atanga Aizawl lut tur Truck lian Entry Period nghak te chuan Sairang khawchhung lut lovin Khamrang lam ah an nghak tur a ni.
He hriattirna hi an Camping inbuatsaih tan hun ni 27.9.2022 atanga Camping zawh hma chu a huam ang. A tul dan azirin a hmun a Traffic Police duty ten he hriattirna hi an ti dang lam thei ang.
