Vawiin khan Transport Minister Pu P.C. Zoram Sangliana hovin a office chamber ah Mizoram Traffic Management Coordination Committee an thukhawm a.

Thil tam tak an ngaihtuah ho zingah khawpui chhung traffic tawt lutuk siam rem dan an ngaihtuah. Taxi intlan chhawk chungchang an sawi ho a office kal hun peak hour chhungin khawpui lun laia tlan thei chin a inchhawk in bithliah siam nise an ti, hei hi November 1 atanga nakum March 31 thleng enchhin phawt nise an ti a.Hetah hian khawpui chhung Taxi te A, B, C, ah thenin a inchhawk in peak hour hun chhunga khawpui lun lai lut thei tur ruahman a ni dawn a ni. No Vehicle Day chungchang pawh an sawi ho a kumin ah pawh hian hman leh ngei nise an ti a, December ni 23, 24 leh 31 ah te hian chawhma dar 11 atanga tlai dar 2 thleng Chanmari atanga Zodin Cinema Hall thleng kawngpui dung a huam ang.

Vawiin committee ah hian member te an kal tha hle a, khunkhan takin thu an rel a ni.