Aizawl Traffic SP Office chuan Bawngkawn leh Thuampui inkar kawngpui (NH-54) siamthat hna thawh mek a khaihlak loh nan leh he kawngpuia lirthei tlan ten traffic jam a siam tlem zawk na turin a hnuaia mi ang hian thupek chhuahin lirthei khalhtute tan ruahmanna a siam.

National Highway Division-3 te chuan tunlai hian Bawngkawn leh Thuampui inkar kawngpui (NH-54) chu siamthat hna (Resurfacing) an thawh avangin helai kawngpui ah hian traffic jam tih ziaawm nan leh hnathawktute'n tha taka hna an thawh theih nan, an hnathawhna lai hmun kawngsir tawn tawn ah eng motor mah din/park phal a nilo. He harsatna pumpelh nan helai hmun kaltlanga Aizawl Chhim lam leh Hmar lam pana kal tur lirthei khaltute leh lirthei hmangtu mipuite tan a hnuaia tarlan kawng te hi engtiklai pawhin a hman theih a ni tih kan in hriattir e.

1. Falkland Veng paltlangin World Bank Road ah Chhim leh Hmar zawngin a tlan theih reng a ni. 

2. Thuampui to Durtlang via Zuangtui kawngah kalin Bawngkawn ah a luh thlak leh theih bawk a ni.

Hei hi traffic jam avanga harsatna pumpelh nana tih a ni.