MV Act 1988(Act No. 59 of 1988) section 115 na tlawhchhan in Aizawl District Superintendent of Police(Traffic) Office chuan Notification B.12021/10/04-TRF Dt 22.08.2008 chhuah in Aizawl khawpui hmun thenkhat ah lirthei tawt lutuk tih zia awm nan motor tlan dan pangai a ti dang lam.
Zing dar 8:30-10:30 leh tlai lam dar 4:00-7:00 chhung in Ch.Saprawnga Bus Terminal - Bawngkawn leh Thuampui kawn inkarah Lirthei lianchi(Heavy Vehicles) tlan khap a ni a, Sunday leh Sawrkar Holiday te erawh he thupek hian a huam lovang. Zing lam dar 8:30-10:30 leh tlai lam dar 4:00-6:00 chhung in Luangmual lam atanga Seventh Day tlang lama tlan luh (U-Turn) leh seventh Day tlang lam atanga Chhangurkawn lam pana tlan thlak(U-Turn) phal a ni lo bawk. He thupek hi dt 6.9.2010 atangin thuleh awm hma chu hman a ni ang.
