Superintendent of Police (Traffic), Mizoram chuan a hnuaia mi ang hian thu chhuah a siam.

Tuna Circuit House, Khatla-a mi hi thiah veka Conventional Centre sak hna thawh mekah hian a bula lungremte thiah a ngaih dawn avangin intihpalhna thleng thei ven nan Khatla kawn atanga Tennis Court lam panna kawngpuiah ni 9.3.2016 atanga ni 13.3.2016 inkar chhung, zan dar 10:00 atanga a tuk zing dar 4:00 inkarah lirthei eng chi mah a tlan theih dawn loh tih mipuite kan inhriattir a; Aizawl hmar lam pan tur chuan Sikulpuikawn atangin Upper Khatla kawngpui lamah kal tur a ni.

Hemi kawng khar a nih chhung hi chuan lirthei lian (HMV) leh lirthei laihawl (MMV) Sikulpuikawn atanga hmar lam pan turte reng reng chu fimkhur takin Upper Khatla kawngpui lamah kal ni se, Vaivakawn lama kal tur chu Tennis Court-ah kual thla lehin Temple Square lamah an tlan phalsak a ni ang.

Hei hian chhiat rupna thil, kangmei leh emergency kaihhnawiha duty leh dan leh thupek pawimawh bika duty-te chet velna a huam lo vang.