Vawiin khan Mamit District chhunga Village council aiawh te leh Tlawmngai Pawl aiawh kalkhawmte chuan Swachh Bharat Mission ( Gramin) hnuaia Open Defecation Free ( ODF) a Mamit District puang  hmalakna tur leh faina kawnga hmalakna tur hrang hrang Chhimveng YMA Hall-ah neih a ni a, he hun hi Er. C. Lallunghnema, Chief Engineer, PHED cum Mission Director Swach Bharat Mission chuan a telpui.

He hun hmanpuitu Er. C. Lallunghnema, Chief Engineer, PHED cum Mission Director Swachh Bharat Mission( Gramin)  chuan kalkhawmte hnenah lawmthu sawina neiin Mamit District ODF-a puan mai theih tura hmalakna kal mek-ah khawtina khawtlang hruaitute leh tlawmngai pawl hruaitute chu pawimawh ber an nih vangin thahnemngai taka vawiin zirhona chu hmang tur leh thil hriatthiam loh an neihte pawh zawhna zawt turin kalkhawmte a sawm a ni.

Mission Director, Swachh Bharat Mission ( Gramin)  chuan India ram chu kum 2019 Oct ah chuan  pawnlera inthiar awm lohna a siam tum a nia, rampumah hma nasa takin lak chhoh mek a ni a ti,  Mizoram-ah pawh nasa taka tan lak chhoh mek zel niin District pali te chu pawnlera inthiar awmlohna ODF a puan tawh a ni a, Saiha pawh puan mai theih a nih tawh thu a sawi, Mamit District pawh puang thuai tura tan lak mek zel a ni a, hetah hian khawtlang hruaitute leh tlawmngai pawl te leh mipui zawng zawngte tanrualna a pawimawh thu a sawi, vawiina kan thil zir chu kan khua theuha midangte hrilhhre tu ni turin kalkhawm te a sawm a  ni.

He hunah hian Dr Nancy Lalnunmawi'n faina pawimawh zia leh faina kan ngaihthah avanga kan hriselna a nghawng dan a lem nen zirtirna a nei a, Pu Lalnunsanga Khawlhring  DFO, Mamit - in ram thianghlim leh hrisel nei tura ramngaw humhalh a tul thu a lem nen kalkhawmte a zirtir bawk a, Er. K. Zohmingliana Sr. Executive Engineer PHED ( Rural ) State Co- Ordination Swachh Bharat Mission ( Gramin) pawhin kalkhawmte zirtirna pe-in Swachh Bharat Mission in a thil tum ber chu chhungtinte'n ekin him tha kan neih vek chu a nih rualin,  ekin a,  inthiarna chang mitinte'n kan hriat tel pawimawh zia mipuite hrilhriat chu a nih thu a sawi.

He hun hi Er. H.C Lalnunzira Superintending Engineer, PHED Rural  Watsan Circle, Aizawl chuan kaihruaia kalkhawmte tanga zawhna an neihte mithiamte'n an chhang nghal a, Mamit District chhunga khawtlang hruaitute leh tlawmngai pawl hruaitute atangin mithahnem tak an tel a ni.