Vawiin chawhma dar 10 : 00 khan I&PR Conference Hall Saiha-ah Saiha District Legal Service Authority te huaihawt in “Training for Para Legal Volunteer “ chu hlawhtling taka neih a ni.

He Training programme hi Pu Laldinpuia Tlau, Judicial Magistrate, Saiha chuan a kaihruaia training neih chhan leh sawihawnna te a neih hnuah Dan pawimawh zia leh Dan leh hrai hriat a pawimawh zia a sawi a, Pu F.C. Khihnia, Advocate chuan “Dan leh hrai lek kawh chungchang a tlawmngai pawl te tihtur leh tih loh tur” tih thupui hmangin thu a sawi a, thil tisual tute chunga dan lek kawh chungchang sawiin dan tlawhchhana engkim tih a pawimawh thu a sawi bawk. Tlawmngaipawl te chu Corruption laka fihlim turin a chah bawk ani. Pu James Beizawzilai, Advocate pawhin “Mahni inchawm theilo te chanvo” tih thupui hmangin thu a sawi a, India danpui “Constitution” a mahni inchawm theilo te chanvo a tarlanna Article hrang hrang sawi langin mahni inchawm theilo te tana Dan hmanga an mahni chawmtu tur claim theih dan hrang hrang te a sawi bawk. He Training ah hian tel an thahnem hle a, zawhna leh chhanna hun te hman anih bakah huamzau taka sawihona hun te hman a ni.