Vawiin khan I & PR Auditorium, CHANEM Building ah Mizorama a hmasa ber ni turin Champhai North leh South Cluster tan Village Level NLUP Monitoring Committee training neih a ni.

He training kaihruaitu Pu Lalfakzuala, Champhai District NLUP Nodal Officer chuan thu sawiin NLUP dawng thar tur ten VLMC te countersign tel lo chuan sum an dawng thei dawn lo tih sawiin VLMC chuan NLUP hmanga hnathawhte enfiah chu an hna ber tur a ni a, NLUP hlawhtlinna hi an kutah a innghat thui hle a ni, a ti a. Thla thum dana DC hnena report an thehluh tur leh hmala tha lo te chungah action lak zel anih tur thu tarlangin NLUP link road, ruaral development hmanga siam dan turte a tarlang tel bawk.

Vawiin training ah hian NLUP Line Department 8 te chuan NLUP sum an sem tawh hmanga hmalak dan tur hrang hrang te chipchiar takin zirtirna an pe a, VLMC aiawh mi 33 an tel a ni. VLMC ah hian Chairman atang Headmaster te hman tura tih chu Right to Education avangin khawtlang tana mi tangkai hman zawk a ni a, Member Secretary atan V/C Secretary niin, MUP, MHIP leh AMFU Secretary te emaw Prominent Citizen recommend an awm chuan member atan hian ruat an ni bawk. VLMC training hi Zirtawpni hian Khawbung RD Block ah East Tuipui cluster tan neih leh tur a ni a, thla thar ni 3 khian Khawzawl RD Block ah Tuichang cluster tan neih tur niin ni 5 ah Ngopa RD Block ah Lengteng cluster tan neih a ni veleh ang.