Vawiin chawhma dar 10 : 00 khan D.Cs Conference Hall, Saiha-ah Saiha District Disaster Management Authority (under GoI-UNDP Programme-URR) te buatsaih in “Training of Disaster Risk Deduction” chu hlawhtling taka neih a ni.

He Training hi Pu T.Lalengmuana, District Field Officer, DM&R, Saiha chuan a kaihruai a, Pu Zothanmawia Khiangte SDC & Nodal Officer, DM&R Saiha chuan training neih chhan leh sawihawnna thu a sawi hnu ah Resource Persons Pu Hunlawmawma, Pu T.Lalengmuana, D.F.O., DM&R Branch, Saiha leh Pu Zothanmawia Khiangte, SDC & Nodal Officer, DM&R, Saiha te chuan thupui then hrang hrang heng “Dos & Don’ts and Non-Structural Mitigation”, “ Mainstreaming of DRR into Development Programme and Plans”, “ Departmental S.O.P” leh “Office Safety”tih thupui te hmangin training hi an pe ani. He training ah hian zawhna leh chhanna hun te pawh hman niin Saiha khawpui chhunga Department hrang hrang hotute, M.A.D.C. lam hotute leh Chanchinthar thehdarh tute an tel kim hle a ni.