Vawiin khan "Training of Trainers on CCTNS" CID (Crime) kharna hun SCRB, Training Hall, Aizawl ah neih a ni.

Training kharna hi Pu John Neihlaia, IPS, IGP (Hqrs & Intelligence), Mizoram in a hmanpui a, Pi Priyanka Kashyap, IPS AIG (Modernization) in a kaihhruai a ni.

Pu John Neihlaia, IPS, IGP chuan thu sawiin Crime and Criminal Tracking Network and Systems (CCTNS) hi information technology hmanga Police te thuam chakna tura National e-Governance Plan (NeGP), Govt.of India hnuaia project pawimawh tak pakhat a ni a ti a. India ram puma Police te inthlunzawmna leh an hnathawh te awlsam zawk a in hriatpawh tawh theih na tur atana ruahman a ni a ti. Hei hi Ministry of Home Affairs (MHA) leh National Crime Records Bureau (NCRB) pawhin a ngai pawimawh a, Mizoram ah pawh hei hi tangkai taka hman a beisei thu a sawi a  ni. CCTNS hmasawnnna atana District Police kut ke ber ni thei tura training te chu anmahni in tuai hriam zel turin a fuih bawk a ni.

Training pe tur hian National Crime Record Bureau, New Delhi atangin mi thiam ten an rawn kaihhruai a, 24th June 2019 atang khan tan a ni.