Vawiin khan ni hnih awh tur Forest Officer te tana buatsaih ‘Training on Best Practices of Forestry’ chu FRCBR Conference Hall, Bethlehem Vengthlang-ah Dr CHM Rao, PPCF chuan a hawng.

Additional PCCF, Dr. K Kire chuan key note address a sawi a, hawnna thusawi Dr CHM Rao chuan hnathawhin rah tha tak a chhuah theihna tur chuan plan tha tak neih ngei ngei turin leh training a tel zawng zawng te chu mahni division theuha master plan siam thei tura rilru seng turin a sawm bawk a ni.

Training ah hian state chhung leh pawn atanga lokal mithiam ten thupui thlanbik neiin zirtirna an pe a, Mizoram a ramngaw chereu chhan hrang hrang leh a sut kian dan tur te, Forest Plantation hlawk zawk leh tha zawk neih dan tur te, ramhmul damdawi chi hrang hrang leh a enkawl leh chin pun chungchang te, hlawk zawka mau chin pun dan leh mau hmanna hrang hrang te, Thingrai chin dan leh a enkawl dan te, nauban chi hrang hrang leh a venhimna kawnga tan lak dan tur te bakah thildang engemaw zat zir ho a ni a, he hunah hian Forest Officer engemawzat bakah Rain Forest Research Institute (RFRI) Jorhat leh FBCBR, Bethlehem Vengthlang atangin mithiam sawm bikte an tel a ni.

Field Staff leh Village Forest Development Committee (VFDC) member te tan tun kar tawp hian hetiang training hi buatsaih a ni bawk dawn a ni.