Nimin dar 11:00 am khan Champhai DC Conference Hall-ah Champhai District Bawrhsap kaihhruaina in Training on Centralised Public Grievances Redressal and Monitoring System (CPGRAMS) neih a ni.

He training ah hian langtlang sorkar neih theihna turin DP&AR, Good Governance Cell atangin mipui tupawhin sorkar-ah rawtna emaw lungawilohna kan thlen theihna turin CPGRAMS hi a rawn duang chhuak a ni. Hemi hmang hian mitin ten kan lungawilohna emaw rawtna emaw kan thlen thei ang a. Mizoram chhungah chuan Chief Minister Office kaltlangin thehluh theih a ni ang a, District tinah erawh chuan DC Office kaltlangin thehluh tur a ni. He CPGRAMS hi tun atanga hun reilote Febeuary thla laihawl atanga hman tan tura ruahman a ni. Lungawi lohna emaw rawtna nei ten internet kaltlang kher lo pawhin dak hmang pawhin a thlen theih a ni. Complaint leh rawtna internet kaltlanga thlen duh tan mipuiaw.nic.in ah thlen tur a ni.

Training tura tih Champhai District chhunga sorkar office hrang hranga officer te leh an hnuaia thawkte an kal tha hle a, training pe tur hian NIC atangin Pu Vanlalvuta Chinzah leh ICT atangin Pu Lalawmpuia te an kal a ni.