Nimin khan Transport Minister Pu PC Zoram Sangliana hovin Art & Culture Auditorium, Berawtlangah Mizoram hmun hrang hranga Transport Department hnuaia thawktu kalkhawm ten infuihtharna hun an hmang.
He hunah hian Minister Pu PC Zoram Sangliana chuan Transport Department hmalakna leh hmasawnna thenkhatte tarlangin Computerisation, Sarathi, Vahan, High Security Registration Plate, Smart Card leh One Time Payment of Tax te State upa zawk tam takin an la tih ve theihloh laia Mizoramin tha taka a kalpui thei chu hmasawnna chhuanawm tak a ni, a ti. Thawktu te thawhrimna leh inpekna fakin sorkar-in sum thawhchhuah tur Revenue Target a siamsak cheng nuai 1438.32 zeta an khum thu te leh Tlawng Inland Water Project nikum chhunga thawh zawh a nih tawh thu te a tarlang bawk. Thawktute thawhrimna a fak rualin Transport Minister chuan hmasawnna tur erawh an la ngah tih hre tura chahin a Department-a officer leh staff zawng zawng te tang sauh sauh turin a fuih a ni.
Infuihtharna programme hi session thuma then ni in Department hotuten thupui hrang hrang hmangin kalkhawmte fuih leh zirtirna hun an hmang a ni.
