Vawiin khan Transport Minister Pu P.C. Zoram Sangliana chuan a chenna Bungalow-ah Commercial Vehicles Joint Action Committee member-te leh Transport Department Officer thenkhatte nen inkawmkhawmna hun tha tak an nei a ni.

Transport minister chuan hetiang taka titi hona an nei thei chu lawmawm a tiin, ram leh mipui tana rawngbawlna kawngah pawh rah duhawm tak a chhuah theih ngei a beisei thu a sawi a. Hun lo kal zel turah pawh inkawmna remchang siam theih thin hi a pawimawh a ni a ti.

Commercial Vehicles Joint Action Committee ah hian Aizawl City Bus Owners’ Association (ACBOA), Zoram Taxi Owners’ Association (ZTOA), Zoram Taxi Driver Association (ZTDA), Mizoram Truck Owners’ Association (MTOA), Inter-State Maxi Cab (IMSA) leh Pikup Association (MPSA) aiawhte an tel a ni.