3837/2022-2023

Aizawl, the 14th March, 2023: Vawiin khan Transport Minister, Pu T.J. Lalnuntluanga chuan Mizoram Taxi Association General Headquarters hruaitu thlanna hun Chite Inpuia neih chu khuallian niin a hmanpui.

Transport Minister Pu T.J. Lalnuntluanga chuan Taxi Driver-te chu hawihhawm tur leh rinawm chhunzawm zel tura chahin, Taxi hmanga eizawnna chu eizawnna tha tak a la nih zel thu a sawi a. Passenger phur motor an nih angin an motor-te fitness chungchang ngaipawimawh a, faina leh lirthei enkawl kawngah theihtawp chhuah thin turin a chah a. Taxi replace chungchanga Taxi neitute harsatna hriain Sawrkarin vawikhat chauh replace theih thin kha vawihnih replace theih tura hma a lak mek thu a sawi bawk.

He hun hi Pu Ralthanmawia, President MTA chuan kaihruaiin, Pu David Zonunthara, Finance Secretary leh Pu F. Lalruatfela, General Secretary ten report an pe a ni.