3849/2023-2024

Aizawl the 16th February, 2024 : Vawiin chawhma khan Transport Minister leh Mizoram Road Safety Council Chairman Pu Vanlalhlana chuan Chanmari kawna No Tolerance Week denchhena checkpoint siam chu a hmunah kalin an hmalaknate a enpui.

Tarlan tawh angin Mizoram Road Safety Council chuan February 2024 thla hi Road Safety Month-a hman turin a lo rel tawh a. 'I him theih nan Traffic Rules-te zawm thin ang che (Obey Traffic Rules for your own safety)' tih chu thupui atan hman a ni.

Road Safety Month chhunga No Tolerance Week chu hman mek a ni a. Nimin thleng khan lirthei neitu 169 chu document fel lo avanga man niin, a hmuna chawi tir 139 an ni a, fine zawng zawng belhkhawm hi cheng 465000 (nimin thleng) a ni.

Transport Director Er. R. Lalrammawia, Sr. SP Traffic Pu Stephen Lalrinawma leh official dangten an tawiawm a ni.