Nimin (23.11.2016) khan Tripura Transit Camp paruka enfiah hna thawh tawpna ber turin Hazacherra Camp ah thawh chhunzawm niin Camp hrang hrang a enfiah hna kalpui mek chu vawiin khan zawhfel nghal a ni.

Nimin enfiah hna thawhna-ah hian Mamit District atangin chhungkaw 144 an nia, puitling 635 niin naupang 243 an ni. Kolasib District tangin chhungkaw 58 enfiah niin hetah hian puitling 265 awmin naupang hi 88 an ni. Lunglei District atanga enfiah hi chhungkaw 315 an ni a, puitling 1230 niin naupang 432 an ni.

Tarlan tawh angin Ministry of Home Affairs road map duansa angin Tripura Transit Camp paruka Reang (Bru) Mizoram mi leh sa Mizoram a hruaikir an nih theihna tura khua leh tui dik tak te endik hna hi nov 2 atang khan Mizoram Sorkar atangin identification team te chuan camp hrang hrangah hian boruak muanawm tak hnuaiah neih a lo ni tawh a ni.

Tripura Transit Camp hrang hranga Reang (Bru) Mizoram mi leh sa an nih leh nih loh enfiah hna chu zawhfel a ni.