Minister leh MFA President ni bawk Pu Lal Thanzara chuan tuarchhel leh teirei peihna hian mihring nunah hlawhtlinna a siam thin, a ti. He thu hi vawiina Aijal Club-a footballer S. Malsawmtluanga’n ama chanchin a ziakna bu a tlangzarhnaah a sawi a ni.

S. Malsawmtluanga lehkhabu “Khelmual Nunchan” tlangzarhnaah hian Minister chuan entawntlaka taimakna leh insum theihna nena nun vawng thianghlim thei infiammi Mizoramin kan nei chu lawmawm a tih thu a sawi a. Thang lo thar zel turte pawhin nun uluk taka vawng chungin hma an pen zel chuan Mizoram tihmingthatu inkhelmi kan la neih belh teuh a beisei thu a sawi bawk.

Lehkhabu tlangzarhna inkhawmah hian Pu Darrokima’n lehkhabu thlirlawkna hun a hmang a. Rs. 120 mana zawrh chhuah nghal a ni.