149/2023-2024

Mamit 19th April, 2023 : Vawiin khan Pi Helen Saibuangi, EE, PHED Mamit Watsan Division, Office Chamber-ah Mamit khawpui chhunga tui harsatna leh Tui bill thar chungchang sawiho-na Pu C. Lalhmachhuana, SE kaihruaina-in neih a ni.

"The Mizoram Water Supplies (Control) Acts, 2004 Section 18" in thuneihna a pek angin Tui sem man a bithliah thar chungchang sawiho niin, zirhona neih a ni a, Tui bill thar hi 5000 lts chin ah Rs. 220/- in a pung anga, hei hi rate hmasa a, Rs. 200/- man kan chawina thin kha a ni, Tui Lts. tam dan a zirin a rate hi a danglam chho ve zel a ni.

Vawiin thutkhawmah hian Mamit khawpui chhunga tui harsatnate sawiho a ni a, heng harsatna sutkian dan tur awm ang angte sawiho zui a ni bawk.

Pi Helen Saibuangi, EE PHED-in Mamit khawpui chhung tui harsatna tlangpui a tarlan danin Mamit khawpui chhungah thlakhat chhunga tui semchhuah hman a ni thin lo chu thawktute pawhin pawi an tih thu a sawi a, Tuna Mamit-a Tui Pump-na khawl leh a pipe bakah thildangah harsatna a awm thin avangin duh anga tui pump ngah theih a nih loh thu a sawi, Power Supply khailak leh su thin chuan Tui Pump kawngah leh a khawlah harsatna nasa tak a siam thin thu sawiin Pump thar lei tura hmalakna kalpui a nih thu a sawi bawk.

Pu C. Lalhmachhuana, SE chuan tukin zing khan Greater Mamit Water Supply Scheme Part II hnathawh mek a hmunah enin contractor hi Gangwal Construction an ni a, hna hi nikum November thla-ah tan niin nakum November thla-a zawh tura ruahman a ni, Estimate amount hi 40 crore a ni.

Vawiin thutkhawmah hian Mamit khawpui chhunga Sub Hqrs YMA, District Village Council, Jt. Village Council, Mamit District Consumer Union leh thutharthehdarhtute an tel a ni.