Tukin khan Tuihna humhalh tulzia inzirtirna atan Mamit khawpui chhung Charkawn atang Mamit Lungsir thleng Two Wheeler Rally neih a ni a, Dr Lalrozama, District Bawrhsap chuan kawhzawh tanna hmun atang hian a vailiam.

 Kawngzawh tawpna pual inkhawm tawi Mamit GSA Playground-a neihah Dr Lalrozama District Bawrhsap chuan tuihna humhalh tulzia midangte zirtir tura thawkchhuak tute zawng zawng chungah lawmthu a sawi a, India ram hmun thenkhatah chuan tui harsatna avangin harsatna lian tak tawh mek a nih thu a sawi, tuihna humhalh tulzia kan hriat tlan a tul takzet a, nakin lawka harsatna lian tak kan tawh tur pumpelh a nih theihnan leh kan tu leh fate tana chenna tlak ram kan siam theihnan tuihna humhalh kawnga tan kan lak tlan chu thiltih makmawh a ni a ti, mitinte helam kawnga ngaihtuahna senga tan la turin a sawm a ni.

He hunah hian Er Lalzawmliana, EE, PHED Mamit pawhin thusawiin District Water Sanitation Committee chu kum 2011 atang khan Mamit District Bawrhsap Chairman-na hnuaiah din niin, Committee rawtna angin tuihna humhalh nan Two Wheeler Rally chu buatsaih a nih thu a sawi, Tuihna humhalh turin kan theihna zawn theuha hma la tur leh midangte zirtir kawnga tan ka turin kalkhawmte a sawm a ni.

Rally pual inkhawm hi Pu Vanlalchhuanga Chhangte, Secretary, Sub Hqrs YMA chuan a kaihruaia, Rally a tel mi vannei bik mi 40 thlanchhuahte hnenah Petrol Coupon 5 litre theuh semchhuahna neih nghal a ni bawk.

Attachment

  • Loading attachment...