Ni 27 - 29 April, 2011 chhunga Zohmun khuaa hman mek Tuisual Group YMA Conference vawi 14-na chu Pu Zodintluanga, Minister i/c Sports & Youth Services, UD & PA, I & PR etc leh Pu R.L. Pianmawia, Dy. Govt Chief Whip, Tuivawl Constituency bialtu MLA ni bawk ten an hmanpui.
Vawiina Tuisual Group YMA Conference vawi 14-naah hian Khuallian Pu Zodintluanga chuan palaite chibai bukin YMA Kumpuan thupui "Khawtlang nun siamthat" pawimawh zia a sawi a. Kan ram hi kan tu leh fate chenna tlaka siam turin YMA thuthlung kan vawn that a tul a, Mizo kan nihnaah kan chiana kan inpumkhat hi hmasawnna atan a tul a ni tih a sawi. NLUP hmanga Mizoram chawikang turin Sorkarin hma a la mek a, he hmalakna hlawhtlin nan hian YMA in mawhphurhna a nei lian hle a ni tih sawiin kut hna thawktuten lei rem an rah ve nana hmalakna a nihzia a sawi a. Khuallian hian NREGS hnuaia Sorkar hmalakna kal mekah pawh YMA ten hma la tura a duh thu sawiin thatchhiatna atana hmang lova Mizo tlawmngaihna nen taima taka thawh a tul thu a sawi bawk. NREGS hi kut hna thawktute an hnathawh loh hunawl laklawha an dinhmun siamthatna atana hman tur a nihzia a sawi a, NREGS hnuaia material component pawh dik takin hman tum ni se a tha tih a sawi bawk. Mizo hnam zahawmna vawnghim tura hmalak a tul thu sawiin Khawtlang nun siamtha tur hian hun a la awm a, a la tlai lo a ni a ti a. Khawtlang hruaitu te, Sorkar hnathawk te, party hrang hrang mi leh sa te leh contract hna thawktute chu YMA member an nih ang ngeiin hlemhletna kalsana khawtlang tan hna tha taka thawk turin a sawm a ni. Pu Zodintluanga hian 2005 khan Zohmun Branch YMA Golden Jubilee a lo hmanpui tawh nghe nghe bawk a ni.
Chawhmaa vantlang inkhawm hman zawh hnu hian Pu Zodintluanga hian Zohmun khuaa khelmual laih hna a hawng nghal a. Khelmual hi JCB 1 leh Bulldozer 1 hmanga laih nghal a ni. Khelmual laihna atan hian khawtlang an tangrualin an inpekna a nasa hle a; khelmual laihna atana khawlte hi Zohmun khuaa contract hna thawk mek Pu Kama'n a thlawnin phal takin a hman tir a, Minister leh Zohmun VC ten diesel man an intum sem a ni. Pu Zodintluanga leh Pu R.L. Pianmawia te hian ni 27 April, 2011 khan Ratu leh Vaitin khuaa khelmualte an tlawh bawk a. Pavilion sak dan tur leh hmalak dan turte thlirin khawtlang hruaitute nen khawtlang mamawh an sawi ho bawk a ni. Sports Minister leh bialtu MLA te hi Pu Lalngura Tlau MCS, SDO (C), Sakawrdai te, PS to Minister Pu Lalmuansanga MCS leh I & PR Officer Pu Lalremruata Kullai MIS ten an tawiawm a ni.
Chawhnu inkhawmah Khualzahawm Pu R.L. Pianmawia chuan thu sawiin Conference hlawhtlinna atana mawhphurhna hrang hrang hlentute lawmthu a hrilh a, hlawh phut lova an inpekna a fak a ni. Pu Pianmawia chuan Tuisual Group YMA huam chhunga Sorkar hmalakna hrang hrangte sawi langin kawngtha siam a nih theihnana Group YMA thurelte a chhang a. Khaw hrang hrangte mamawh pawh a theih ang anga tihlawhtling turin bawhzui mek a nih dan te a sawifiah bawk. Pu R.L. Pianmawia chuan thil tha lo hrang hrang lakah Tuisual Group YMA hi chhan tlak a la awm tih sawi langin YMA member te chu tanpui ngaite tanpui a, chhan ngaite chhan tura ke pen turin a sawm a. Zirna lamah pawh Group YMA hian hmalak a ngai a, sikul kal ve ringawt ni lovin "zirlai" nih ngei a tul tih a sawi a. NLUP hmanga Sorkar hmalakna hlawhtling pui ngei tum tur leh intodelha thawhchhuah tipunga dinhmun siamthat nana hmang tur leh midangte fuihtu ni turin YMA member kalkhawm te chu a fuih a. Sorkar hnuaia fund hrang hrangte pawh dik taka hman a nih theihnan YMA chu VC leh party te hruai diktu ni turin a chah bawk. Khualzahawm hian Tuisual Group YMA tan hian Rs. 5000 leh no dozen 30 a pe nghal a; a bial chhunga khaw hrang hrangte hnenah infiamna hmanrua a sem bawk.
Tuisual Group YMA hi 24 Sept 1997 khan a ding tan a, tunah hian branch 16 huamin member 3535 an awm a. Conference-ah hian palai 350 chuang riak lutin inkhawm hun pawimawh tak tak bakah intihsiakna chi hrang hrang neih a ni a. Lengkhawm zai, hlado, volleyball leh inhruipawhah te an inel a ni. Conference chhung hian thupui pawimawh tak tak - Kangmei laka ramngaw venhim leh Human Trafficking chungchangte ngaihthlak a ni bawk. Tuisual Group YMA hian Dr. Jeremy V. Pachuau, Medical Officer, Sakawrdai CHC hnenah a hnathawh that leh a tlawmngaihna avangin chawimawina an hlan bawk a ni.
Chawhmaa vantlang inkhawm hman zawh hnu hian Pu Zodintluanga hian Zohmun khuaa khelmual laih hna a hawng nghal a. Khelmual hi JCB 1 leh Bulldozer 1 hmanga laih nghal a ni. Khelmual laihna atan hian khawtlang an tangrualin an inpekna a nasa hle a; khelmual laihna atana khawlte hi Zohmun khuaa contract hna thawk mek Pu Kama'n a thlawnin phal takin a hman tir a, Minister leh Zohmun VC ten diesel man an intum sem a ni. Pu Zodintluanga leh Pu R.L. Pianmawia te hian ni 27 April, 2011 khan Ratu leh Vaitin khuaa khelmualte an tlawh bawk a. Pavilion sak dan tur leh hmalak dan turte thlirin khawtlang hruaitute nen khawtlang mamawh an sawi ho bawk a ni. Sports Minister leh bialtu MLA te hi Pu Lalngura Tlau MCS, SDO (C), Sakawrdai te, PS to Minister Pu Lalmuansanga MCS leh I & PR Officer Pu Lalremruata Kullai MIS ten an tawiawm a ni.
Chawhnu inkhawmah Khualzahawm Pu R.L. Pianmawia chuan thu sawiin Conference hlawhtlinna atana mawhphurhna hrang hrang hlentute lawmthu a hrilh a, hlawh phut lova an inpekna a fak a ni. Pu Pianmawia chuan Tuisual Group YMA huam chhunga Sorkar hmalakna hrang hrangte sawi langin kawngtha siam a nih theihnana Group YMA thurelte a chhang a. Khaw hrang hrangte mamawh pawh a theih ang anga tihlawhtling turin bawhzui mek a nih dan te a sawifiah bawk. Pu R.L. Pianmawia chuan thil tha lo hrang hrang lakah Tuisual Group YMA hi chhan tlak a la awm tih sawi langin YMA member te chu tanpui ngaite tanpui a, chhan ngaite chhan tura ke pen turin a sawm a. Zirna lamah pawh Group YMA hian hmalak a ngai a, sikul kal ve ringawt ni lovin "zirlai" nih ngei a tul tih a sawi a. NLUP hmanga Sorkar hmalakna hlawhtling pui ngei tum tur leh intodelha thawhchhuah tipunga dinhmun siamthat nana hmang tur leh midangte fuihtu ni turin YMA member kalkhawm te chu a fuih a. Sorkar hnuaia fund hrang hrangte pawh dik taka hman a nih theihnan YMA chu VC leh party te hruai diktu ni turin a chah bawk. Khualzahawm hian Tuisual Group YMA tan hian Rs. 5000 leh no dozen 30 a pe nghal a; a bial chhunga khaw hrang hrangte hnenah infiamna hmanrua a sem bawk.
Tuisual Group YMA hi 24 Sept 1997 khan a ding tan a, tunah hian branch 16 huamin member 3535 an awm a. Conference-ah hian palai 350 chuang riak lutin inkhawm hun pawimawh tak tak bakah intihsiakna chi hrang hrang neih a ni a. Lengkhawm zai, hlado, volleyball leh inhruipawhah te an inel a ni. Conference chhung hian thupui pawimawh tak tak - Kangmei laka ramngaw venhim leh Human Trafficking chungchangte ngaihthlak a ni bawk. Tuisual Group YMA hian Dr. Jeremy V. Pachuau, Medical Officer, Sakawrdai CHC hnenah a hnathawh that leh a tlawmngaihna avangin chawimawina an hlan bawk a ni.
Attachment
- Loading attachment...
