Vawiin khan Aizawl Superintendent of Police Office huam chhunga police station hrang hranga hnuaia law & order kenkawhna chungchanga police te hmalakna hlawhtling te Pu Rex Zarzoliana, Police PRO, Aizawl District chuan a tarlang a. Misual te man an nih theih nan leh dan anga rorel sak an nih zel theih nan, mipuiten theihtawp in police te pui turin ngenna a siam nghal a ni.

1. S.P, Aizawl hnuai-a District Special Branch (DSB) te chuan Dt. 17.11.2016 khan Methamphetamine R-7 mum 5,676, local market rate a Rs. 6,84,000/- (nuaih ruk sing riat leh sangli) man chu Ramnunsiami (42) D/o Vankunga, Zawngin khua ni a in chhal leh Sangkima (53) S/o R.Lalhrningliana, Rengdil khua ni a in chhal te kut atangin an man. ND&PS Act hnuai-ah thubuai siam sak an ni.

2. Aizawl veng hrang hrang atanga two wheeler ruk ching K. Hunlawmawma (18) S/o K. Lalmawizawla, Vaitin H/S veng chu Dt.l 0.11.2016 khan Vaitin-ah man a ni. Hriat theih chin-ah Aizawl Hmar lam atangin kumin chhungin two wheeler sawm (10) chuang a ru tawh a, Bike pathum (3) chu running condition-a hmuh let leh niin, a tam zawk part thiah darh a, bike hrang hrang repair nana a hman tawh-te pawh engemaw zat hmuh let leh a ni.

3. Dt.7.11.2016 zan a GAD Aviation Wing Office, Secretariat Annex NLUP Building tukverh kalhna ti chhia a office pawisa Rs.5,47,180/- (nuai nga sing li sang sarih za leh sawmriat) rutu Zohlimpuia (35) S/o Rothangliana, Khatla Aizawl chu Dt.l0.11.2016 khan man a ni a, a kut atang hian a pawisa ruk Rs.5,00,500/- (nuai nga leh za nga) hmuh let leh a ni.

4. Dt.9.11.2016 a Grace Nursing Home, Lower Zarkawt atanga damlo pawisa Rs.76,000/- rutu Vanlalruati (38) D/o Liankhama (L) of Tlangnuam Vengthar, Aizawl chu Dt.l3.11.2016 khan man a ni a, a kut atang hian a pawisa ruk Rs.5,800/- chu hmuh let a ni.

5. Mipa naupang pahnih hruai bo a, hmeichhiat mipatna liman pui turn ni a puh Lalnghakzuala @ Z-a (23) S/o Lalfakzuala, Khuangthing chu ngawrh taka zawn a nih hnu in Khatla West Khawtlang hruaitute puihna zarah Dt.14.11.2016 zan khan man a ni.