Vawiin khan Mizoram Remote Sensing Application Centre (MIRSAC), Directorate of Science & Technology chuan Indian Space Research Organisation (ISRO) in thingtlang khaw kilkhawr zawk thlenga van sang lam thiamna hmanga hmasawnna tha zawk an ruahman theihna tur leh thuneihna sang zawk an neih theihna tur project, “Empowering Panchayati Raj Institutions Spatially (EPRIS)” workshop chu Information & Public Relation Auditorium, Aizawlah a buatsaih.

He workshop hi Dr R.K. Lallianthanga, Chief Scientific Officer leh Member Secretary (MIRSAC) in a kaihruaia. He EPRIS project hian a turn chu tunlai thiamna hmanga zokhua te hmasawnna tur ruahman leh hmasawnna ruhrel buatsaih te, Village Council te kuta thuneihna sang zawk neia hmasawnna tur an kalpui theihna tur te a ni a. He thil tipuitling tur hian hmasawnna tura hma la mek tu sawrkar hnathawkte, abikin BDO te leh Village Level Assistant (VLA) te an pawimawh hle a. Anni hian mobile phone camera hmangin hmasawnna ruhrel, hmalakna pawimawh leh thil tul te a awm chuan thla an la anga, thlalak te hi internet ah dahlutin an chhinchiah anga chu chu khawi hmun atang pawha internet browser te hmanga zawn chhuah, haichhuah leh en theih a ni dawn a ni.

He Worshop ah hian Aizawl District chhunga BDO te leh VLA te bakah MIRSAC Scientist leh Staff thahnem tak an tel a. He Worshop ah hian Pu V.Lalengmawia, Project Director, DRDA, Pu R. Lalfamkima, Scientist, MIRSAC leh Dr Lalnunsiama Colney, Principal Scientist, MIRSAC ten tangkai zawka vansang lam thiamna hman tangkai theihna tura ISRO in EPRIS project a buatsaih chungchang te an sawi a ni.