Nimin chawhma dar 11 khan  Aieng Sawngbawlna khawl, cheng nuai 5.2 seng a bun, Khopai khua mipuite hnena hlanna inkhawm (Commissioning Programme) Pi Merlyn Rualzakhumthangi, SDC(P) kaihruaina hnuaiah  Khopai  Turmeric Growers’ Waiting Shed-ah hman  a ni.
 
He Turmeric processing plant commissioning programme-ah hian  Pu Kunal,IAS, Deputy Commissioner, Saiha District, Saiha chu khuallian niin, Pu N.Chakhai, Project Director, DRDA leh Addl. DC ni bawk  chu khualzahawm  a ni.
 
He Hlanna inkhawmah hian Bawrhsap Pu Kunal IAS chuan thusawiin, Khopai khua ram leilungin Aieng a ngeih hle a, thar pawh in thar tam hle thin a. Amaherawh in hlawkpui tur angin in hlawkpui lo tih te ka hriatin, hlawkzawk leh man manzawka in Aiengte in tih riral thei nan DRDA, Project Director, Pu N.Chakhai nen inrawnin , Aieng sawngbawlna khawl hi  SDAO  Pu Lalhmingmuana enkawlna hnuaiah kan lo bun thei ta  a ni, a ti.
 
Pu N.Chakhai, PD, DRDA pawhin thusawiin, BRGF sum atanga Turmeric Processing Plant hi siam tum a ni a, mahse mipui ten chhawr tangkai thuai se tih kan duh bawk si a vangin, SGSY hnuaiah siam alo ni ta zawk ani, a ti. Tunah hian Aieng phorona leh chansawmna chauh  kan la dah thei  rih a, BRGF sum kan hmuh ve leh a rawtdipna(Grinder) leh packaging machine pawh dah thuai a ni ang, a ti.
 
He mi denchhen hian Saiha  District, Medical Department, atangin Dr.K.Rakhu leh Dr.Lalrosanga ten  Khopai Community Hall-ah Free Clinic an hawnga, damdawite pawh a thlawn a sem chhuah a ni a,heng damdawi man te hi DC’s Office, Saiha District ten an tum thung a ni. Mipui ten Free Clinic hi an hlut hle a,ni lengin inentir an awm a ni.
 
He hlanna inkhawm hi Saiha leh Tuipang atangin Officer thahnem tak  leh chanchinbumi te bakah VC member  ten an chhim  a  ni.