India Urban conference hmang a New Delhi a thang mek UD&PA Minister Pu Zodintluanga hmalakna in vawiin khan Ministry of Housing & Urban Poverty Allieviation chuan JNNURM Scheme hnuaia khawpuia mirethei te in leh lo din sakna tur atan 2nd instalment Cheng vaibelchhe 22.38 a pe chhuak. He pawisa hmang hian Mizoram sorkarin khawpuia cheng miretheite in luah tur a sak chhunzawm dawn a ni. Durtlang ah chhungkaw 320, Rangvamual ah chhungkaw 368, Kolasib ah chhungkaw 300, Serchhip ah chhungkaw 350, Lunglei ah chhungkaw 500 leh Mamit ah chhungkaw 150 tan in sak mek a ni a. He insak mek te hi nakum chhunga peih hman ngei tum a Mizoram sorkar in tan a lak thu Pu Zodintluanga chuan a sawi.

Vawiin vek khan Aizawl khawpui ah bawlhhlawh sawngbawlna tur leh tui lakna atan Asian Development Bank (ADB) te nen Minister Pu Zodintluanga hi an in dawr a ; naktuk ah hian hemi atana sum senso tur Cheng vaibelchhe 100 sanction turin inremna SIPMIU Project Director Pu Valbuanga ten an ziak fel ang.