“Beneficiary APR leh Intiamkamna la ziak hman lo tan August ni 8, 2018 thleng ziah na hun pek belh”

UD&PA Department chuan  vawiin khan Zarkawt Community Hall-ah an hnuaia NLUP-NEDP Convergence Scheme Phase-II tanpuina dawngtute kokhawmin NLUP-NEDP Convergence Scheme kalpui anih dan tur hrilhfiahna hun “Training-cum-Signing of APR & Undertaking”  an buatsaih a, Aizawl North-I bialtu MLA Pu R.Romawia’n telpuiin beneficiary te fuihna thu a sawi a ni.

Vawiin a training nei tura koh te hi Aizawl East-I, Aizawl East-II, Aizawl North-I, Aizawl North -II leh Aizawl North -III huamchhunga beneficiary 435 an ni a, UD&PA Department-a thawk mithiam ten hmalak dan tur chipchiar taka an hrilh bakah an sum dawn te hlawhtlinpui ngei tura zirtirna tha tak an pe a, beneficiary te hi an sum dawn te dik taka hmang tura intiamkamna ziah tir an nih bakah APR ah an hming an ziak a ni.

Hei bakah hian beneficiary Training tha taka zo te hnenah Training Certificate leh hmalak dan tur ruahmanna “Calendar of Work” pek vek an ni a, an pawisa dawn tur first instalment Rs. 50,000/- pawh an bank account ah  dah sak nghal an ni.

Nimin khan Thakthing Zawlbuk-ah Aizawl South leh Aizawl West lama beneficiary te tan hetiang hun hi buatsaih ani tawh a, beneficiary koh mi 502 zinga mi 484 ten APR leh intiamkamna an ziak a, la ziak velo mi 18 te chu zin bo leh rokhawlhna dang nei te an nih avangin an tan August ni 8, 2018 (nilaini) thleng UD&PA office, Thakthing ah hming ziahna hun pek belh an ni.

UD&PA Department hnuaiah hian NLUP-NEDP Convergence Scheme Trade hrang hrang 10 a awm a, Phase-II ah hian beneficiary 937 an awm a ni.

Attachment

  • Loading attachment...