Vawiin Chawhma dar 11 khan I&PR Auditorium, CHANEM-ah Social Developmet Specialist Pu C. Lalengkima, UD&PA Department, leh Pu. F. Malsawmtluanga, Account Officer, DRDA hovin Champhai khaw chhunga VC te chuan ek in sak dan tur chungchangah inrawnkhawmna leh inhrilhhriatna hun an hmang.
Champhai khawpui chhunga ek in nei lo, ekin thianghlimlo nei leh ek in chhia siamthat ngaite DRDA, Champhai, BDO Champhai leh UD&PA Department, Champhai ten endikin ek in sak that ngai 361an hmuhchhuak a. Heng ek in sakna tur hian DRDA nen thawk hova sak (convergence) tur a nih avang hian VC-te nen he mi chungchanga inhrilhhriatna leh inrawnkhawmna hi neih a ni.
He inrawnkhawmna leh inhrilhhriatna hi Pu C. Lalengkima, Social Development Specialist, UD&PA Department., Champhai leh Pu F. Malsawmtluanga Account Officer, DRDA Champhai ten hmanpuiin Pu C Lalengkima’n meeting koh chhante, thil hriat tur tulte leh ek insak dan turte a sawifiah a. Pu Engkima hian verification Report pein Champhai khawpuia veng 17-ah ek in 361 sak tur a nih thu leh ek in sak uluk a tul thu te sawiin faina lamah VC kalkhawmte chu hma lak puiah a sawm nghal bawk.
Pu F Malsawmtluanga chuan ek in sakna tura DRDA nena thawh hona tur hrang hrang leh sum hman dan turte leh hmalak chak a tul zia a sawi a ni.
VC kal khawmte hnenah hian an venga ek in sak that ngai list leh ek in sak dan tur kaihhruaina sem niin July ni 21 khian UD&PA Office-ah ek insakna pawisa lam tura hriattirna lehkha pek an ni bawk.
