115/2025-2026

Aizawl the 9th April, 2025 : Vawiin chawhnu khan Pu K. Sapdanga, Minister, UD&PA Department hovin Aizawl khaw chhunga Bazar hrang hrang chungchang sawiho a ni a. He hunah hian Pu Lalrinenga Sailo, Mayor, AMC, Dr. Lalzirmawia Chhangte, Secretary, C&l Department leh Pu Lalmalsawma Pachuau, Secretary, UD&PA te bakah AMC leh UD&PA Department-a official pawimawh te an tel bawk.

Meeting-ah hian Aizawl khaw chhunga bazar, kawngpui sir leh motor hnunga chawhmeh leh thil zawrh dan te uluk taka sawiho a ni a. Heng thil zawrh dan te hi survey mumal tak nei tur a ruahmanna siam a ni a. Hemi hnuah hian Aizawl khawpui a Io felfai leh thianghlim zawkna atan ruahmanna felfai zawk siam nise, chawhmeh leh thildang zawrh dan chu mumal taka kalpui zel tura ruahman tha zawk siam ni se tih a ni.