UD&PA Department chuan kumin 2017 hian a vawikhatna turin ‘Mizoram Khawpui Fai Inelna-2017’ a kalpui dawn a, he inelna Guidelines tur chu vawiin khan UD&PA Minister Pu Zodintluanga-in a pisa-ah a tlangzarh.

UD&PA Minister chuan Fai Inelna chungchang sawifiahin he inelna hi 2017-ah hian a vawikhatna atan neih a ni dawn a, hei hi kum tin neih chhunzawm zel tum a ni ang a ti. Khawpui fai endikna hi uluk tak leh felfai tak, duhsak bik awm lova kalpui tur a ni ang a; chutiang atan chuan Specialized Agency/Institution rintlakte emaw panel of experts te emaw phungbawmah sawmin endikna hna a kalpui ang, a ti bawk. Endikna atana senso pawh ruahman a ni dawn a. He Endikna atan hian Framework endikna criteria leh marks fel tak duan a ni a, gudielines-ah hian dah vek a ni tih Minister chuan a sawi.

He Khawpui fai inelna atang hian Mizoram a khawpui zawng zawng Ranking 2017 siam a ni ang a. Kumina ranking hi inelna neih a nih leh hma chuan a ding reng dawn a, chuvangin khawpui fai inelna tir ber hi a pawimawh em em a ni.

He inelna-ah hian Mizoram-a khawpui 23 te an tel vek ang a. Mizoram khawpuite hi Category 2-ah thenin hetiang hian inelna siam a ni ang :

A. Category I (District Headquarters) - 1).Aizawl, 2).Lunglei, 3).Champhai, 4).Kolasib, 5).Serchhip, 6).Mamit, 7).Siaha, 8).Lawngtlai           

B. Category II(Other Towns) - 1).Saitual, 2).Khawzawl, 3).Hnahthial. 4).Vairengte, 5).Tlabung, 6).Kawnpui, 7).Thenzawl, 8).N.Vanlaiphai, 9).Darlawn, 10).Zawlnuam, 11).Biate, 12).Khawhai, 13).Sairang, 14).Lengpui & 15).Bairabi

Mizoram Khawpui Fai Inelna-2017 hi Urban Areas-in a huam chin khawpui 23 zawng zawngte huap tur a ni a. Heta khawpui fai endikna tura tehkhawng hrang hrangte chu hetiang hi a ni ang:

1). Open Defacation Free - 30

2). Solid Waste Management - 20

3). Information, Education & Communication - 10

4). Community Participation - 15

5). Drains - 15

6). Public Feedback - 10

Total - 100 Marks

He faina inelnaa khawpui thlanchhuahte hian hetiang hian Category I leh Category II ve ve tan lawmman siam a ni ang:

1) Rank 1 - Rs. 100000 with Certificate

2) Rank 2 - Rs. 50000 with Certificate

3) Rank 3 - Rs. 30000 with Certificate

4) Other - Certificate of Participation

District tina khawpui fai ber (rank sang ber) tan certificate hranpa siam a ni bawk ang. Heng Khawpui fai lawman hi October 2, 2017 ah Cleanliness Week Opening Ceremony ah sem a ni ang.

Mizoram Khawpui Fai Inelna-2017 hi September ni 1 atanga September ni 20 chhunga endikna kalpui tur a ni ang a. Hemi chhung hian khawpui tin faina lama inbuatsaihna kawng hrang hrang an neih phal a ni ang.

Khawpui endik ni tur bik puan chhuah a ni lovang a, September ni 1 atanga September ni 20 chhung hian a remchan dan ang zela endikna kalpui tur a ni ang. Assessment Framework hi khawpui tinah thawn chhuah a ni ang a, khawpui enkawltu ten mahni endikna (self assessment) an nei ang a, chumi hnuah Panel of experts emaw specialized agency/institution ruat bik ten evaluation neiin a hmunah an endik leh ang.