4/2023-2024

Aizawl, the 1st April 2023: Vawiin chawhnu khan Banquet Hall, Raj Bhavan-ah Union Home Minister Pu Amit Shah chuan NGO, Sumdawng leh Cooperative Society hotute a kawm.

Pawl hrang hrang aiawh te hian a hran theihin Union Home Minister kawmna hun an nei thei a. He hunah hian pawl leh society anga hmutute aiawh te chuan a thil ngaihpawimawh zual te an sawipui a, an ngenna te lehkha in an thehlut a ni. He hunah hian Union Home Minister Pu Amit Shah chuan Lai, Mara leh Chakna hnam aiawha hruaitu rawn hmutute pawh a kawm bawk a ni.

Muanna Veng Farming Cooperative Society Ltd, NGO Coordination(CYMA, MHIP, MUP, MZP & MSU) Committee leh Mizoram State Level Cooperative Societies Coordination Committee ten Union Home Minister hi an hmu hmasa a. Hemi hnu hian  Lai, Mara  leh Chakma hruaituten te nen an inkawm leh a ni. Union Home Minister hnenah hian Mizoram Underground Returnees Association (MURA), Cricket Association of Mizoram(CAM), Aizawl Mosque Committee leh Champhai District Import Export & Transport Union te chuan ziakin an mamawh te an lo thlen tawh bawk.