5/2023-2024

Aizawl the 1st April 2023 : Pu Lalruatkima I&PR Minister chuan vawiin Dt 1.4.2023 hian Aizawl West Joint YMA Sport Closing Function, Joint YMA Multipurpose Hall-a neih chu khuallian niin a hmanpui.

Minister Pu Lalruatkima chuan thusawiin, Mizote hi Zawlbuk nei thin kan ni a, Zawlbuk hun a liam a, YMA hi kan Zawlbuk a lo ni ta a ni, a ti a. YMA hi Mizo hnam venghimtu (guardian of the Mizo) a ni a, kawng hrang hranga Mizo hnamin beih a tawh chuan YMA hi a lo penchhuak thin a. Kan ram leh hnam rohlu YMA a vul zel nan mi zawng zawngin ke kan pen a ngai a ni, a ti bawk.

Jt YMA Adviser nibawk Pu Lalruatkima chuan zan khaw tairek leh fur chhia karah pawh YMA chuan chhiat tawh nikhuain mite leh milian a thliar ngai lo va. Tanpui ngaite tan kulhpui nghet a ni reng thin a ni, a ti a. Zuk leh hmuam ruihtheih thilah nula leh tlangvalte kan fihlim a ngai a. Dikna, rinawmna leh taimakna kan chhawm nun zel a ngai a ni a ti a. Kan ram chhe ta vek anga kan sawi fo thin hi a dik lo a. Mi tha leh rinawm tak tak thahnem tak an la awm reng a ni, tih hi kan hriat a tui a ni a ti bawk.

Aizawl West Joint YMA huam chhungah hian YMA Branch 7- Dawrpui Vengthar, Chawnpui, Dinthar, Hunthar, Kanan, Vaivakawn leh Zotlang an awm a, infiamna discipline hrang hrang - Badminton, Basketball, Tug of War etc-ah te in elna an nei a, Kanan Branch YMA chu over-all a champion an ni.

Attachment

  • Loading attachment...