Vawiin tlai dar 4:00 khan Chief Secretary Conference Hall, New Secretariat - ah Union Minister of Home Affairs leh mi pawimawh dangte lo mikhual tura state sawrkar inpuahchahna sawrkar mi pawimawh ten an thlirho. Meeting hi Pu Lalmalsawma,IAS, Chief Secretary-in a kaihruai a ni.

He hunah hian 5th June, 2017-a hemi chungchanga Chief Secretary hova meeting lo neih tawha an thurel bawhzuina an sawiho a. India leh Myanmar ramri chungchanga Mizoram rawn zin tur Union Minister of Home Affairs leh mi pawimawh dangte lo dawngsawng tura an inpuahchah dan Department hrang hrang hotuten an tarlang a. Inbuatsaihna tha taka bawhzui a nih theih nan ruahmanna fel tak nen lo dawnsawn ni se, tih a ni a.

Tarlan tawh angin Union Minister of Home Affairs Pu Rajnath Singh leh Union Minister of State for Home Affairs Pu Kiren Rijiju te bakah Myanmar nena ramri intawm India hmarchhak state 3 hotute leh sawrkar mi pawimawh tak tak te meeting nei tur leh Mizoram ramri dep a hmun thenkhat tlawh turin an rawn zin dawn a ni.