Nimin (28.10.2017) tlai a Mizoram lo thleng, Union Minister of State for Human Resource Development, Dr Mahendra Nath Pandey chu tukin zing khan State Guest House, Chaltlangah Higher & Technical Education Department hotute chu an Minister Pu R. Romawia leh Parliamentary Secretary Pu H. Zothanglianahovin inkawmhona an nei a. Mizorama Hr. &Tech. Education Department hmalakna hrang hrang kal mek leh chunga harsatna tawh thenkhat a Sorkar laipui puihna mamawhte Union Minister hnenah hian thlen a ni.

Scholarship dil chungchangah kalphung thar anga online application, internet kaltlanga dil vek tura tih a nih hnu in Mizoramah internet connectivity a that tawk loh avanga harsatna tawh thu leh, Mizo zirlai state pawna awm ten an zirna hmunah onlice scholarship dilna chungchanga an lo hriatchian tawk thinloh avanga dil theilo thenkhat an awm thu te thlen a ni a. unuion Minister chuan an harsatna te chu chingfel tura lo bawhzui a tum thu a sawi a. Heng bakah hian Rashtriya Uchchatar Shiksha Abhiyan (RUSA) hnuaia zirtirtu mamawh belhna te, Mizoram Hindi Training College thuamthat chungchang te, College pali tichangtlung tura NLCPR kaltlanga sum hmuh tur, final installment la release loh chu hmuh thuai anih theih nana hma lo lak pui tur te in Union Minister bulah hian thlen a ni bawk.

Union Minister of State Dr Mahendra Nath Pandey chuan Prime Minister-in Central Minister-te India hmarchhak state-te tlawhkual a, hmasawnna tur ngaihven tura a hrilh anga lo kal a nih thu tarlangin, an thu thlen te chu a lo bawhzui tur thu a tarlang a ni.