3627/2022-2023

Serchhip, 18th February, 2013 : Sawrkar laipuia Telecommunications Ministry enkawltu Minister of State Pu Devusinh Chauhan chuan vawiin chawhma khan Serchhip Kawlri tlang chhipa hmun pawimawhte leh New Serchhipa "Agriculture Complex" a tlawh. 


Minister hian tukthuan eikhamah Serchhip Kawlri tlang chhipa "Chawngpuii Khawthlir" tlawh hmasain, Eklavya Model Residential School a tlawh chhunzawm nghal a, zirlaite nen inkawmhona hun hmangin hemi zawh hian Kawlri tlanga Mary Winchester "Zoluti" laklet a nih hriatrengna lungphun a tlawh bawk a ni. 

Hemi zawh hian New Serchhipa Agricultural Complex tlawhin Serchhip DAO Pu Tlangtimawia leh a thawhpui ten an lo dawngsawng a, RKVY leh FOCUS tangkawpa din Mini Composite Feed Mill leh National Food Security Mission (Pulses) hnuaia sak Mini Oil Expeller te tlawhin hna an thawhdante a en a, hemi hnu hian DAO pisa ah Serchhip District a Agriculture Department hnathawh dan chi hrang hrang thlalak a tarlan a en a ni. 

Agriculture Complex a tlawh zawh veleh hian Serchhip Helipad atang Aizawl panin a thlawk kir a ni. 

Attachment

  • Loading attachment...