Tukin zingkar ah khan Union Minister of State for Agriculture Pu Sanjeev Kumar Balyan chuan A.H & Vety. Farm Complex, Selesih ah vawkpui kah raina atana hman tur Vawkpa atanga Vawk chi lakna leh semchhuahna hmun, Regional Boar Semen Station(RBS) a hawng. RBS ah hian vawk chi siamchhuah a nih piah lamah hmarchhak bial chhung tan Pig Artificial insemination(A.I.) leh a kaihhnawih zirna hun buatsaih thin a ni ang.

He hmunah hian Large White Yorkshire leh Hampshire Cross vawkpa 8 vulh mek a ni a. Kum 2014 atanga tun thlengin heng vawkpa atanga vawk chi an lak leh sem chhuah tawh zat chu 4891 unit a ni a. He station atang hian Aizawl pawn leh Mizoram hmun danga A.I. Station ah te vawkpa chi thlahtu leh bungrua te pawh a remchan leh mamawhna anga phurh chhuah thin a ni dawn a ni.

Union Minister of State Pu Sanjeev Kumar Balyan hi A.H. & Vety Minister Pu C. Ngunlianchunga leh Sawrkar mi pawimawh ten lo dawng sawngin an hmalakna leh an thiltum te an lo kawh hmuh a ni.