Mizoram Sorkara Urban Development and Poverty Alleviation Department chuan Mizoram University leh Aizawl khawpui chhung kawng siamthatna tur project Rs. 11090.36 lakhs lai man nikum lama Sorkar Laipui-a Ministry of Urban Development a lo thehluh tawh chu Sorkar Laipui-a Ministry of Finance, chuan 17th May 2012 khan 1st installment atan Rs.2495.34 lakhs a rawn release ta.

UD&PA Minister Pu Zodintluanga chuan he project hi sanction a nih theihnan nasa taka an beih thu a sawi a. PWD leh UD&PA hotute pawh vawi tam tak an inhmuhkhawm thu leh an tan nasatzia a sawi a, a hun taka project thehluh a nih theihnan zan rei tak tak te thawkin an hun an seng a, project thehluh a nih hnuah pawh vawi tam tak Delhi lamah bawhzuiin an inzin chhawk a, officer te thawhrimna hi fak a phuin fak tlak an ni. Heti ang reng renga department hrang pahnih tan tlanna hi a la awm lo hial awm e a ti.  

UD&PA Minister chuan he project hi Ministry of UD&PA in a passed hnu, Finance Ministry lamin a sanction hma atang tawh khan hnathawhna hmun tur pawh vawi engemaw zat enho a nih thu sawiin, official te thawhrimnaah lawmawm a tih thu a sawi a. Heti anga kan thawh chuan Mizoram pawhin hma a sawn zel a beisei thu a sawi bawk a ni. He project hna hi thawh a nih hunah chuan Aizawl khaw chhunga kawng tha lo te pawh kan siamtha ang a, Mizoram University kawng chhia leh a tihzauh theih lai apiang kan tizau bawk ang a, University hotute leh zirlaite tan pawh chanchin lawmawm tak a nih ngei a rin thu a sawi bawk a ni.

Sorkar laipui-a Ministry of Finance in Mizoram project a release tak te chu (1) Widening and Improvement of Vaivakawn to University Road Total Cost Rs.1907.64 lakhs atangin Rs.429.22 release a ni a; (2) Improvement and Widening of City Road Phase-I Total Cost Rs.3873.40 lakhs atangin Rs.871.52 lakhs release a ni a; (3) Sihhmui to Mizoram University as spur of Aizawl City Ring Road Total Cost Rs.5309.32 lakhs atangin Rs.1194.60 lakhs release a ni.