1712/2025-2026 

Aizawl, the 3rd October 2025 : Regional Resource Training Centre (RRTC) for senior citizens MFM chuan vawiin khan Synod Conference Hall, Mission Vengah "International day of Older persons (IDOP)" denchhenin kum upa te pualin Health and Wellness Camp an hmang a, Pu Lalbiakzama Assembly Speaker in a hmanpui.

Speaker chuan Upa te chu Ram leh hnam tan rohlu an nih thu sawiin, Bial fanga a zin kualnaah kum upate ten inkawmhlimna tur hmun an neih mumal loh avangin hmun siamsak a tul hle in a hria a, buatsaih ngei pawh a tum thu a sawi, Upat hnuah hriselna leh inenkawlna lamah uluk lehzual a inenkawl a, ram leh hnam tana an theihna te hmang zel turin a fuih RRTC Coordinator Esther Lalthachawii'n inkhawm a kaihruai a, MFM Executive Director Pu Lalramchuanzela'n RRTC hnuaia hmalakna hrang hrang report a pe bawk.

K. Lalbiakzuala, Fitness trainer in kum upa te tana insawizawi dan zirtirna a pe in , a takin exercise in lamah tih chhunzawm zel theih tur zirtir an ni bawk.

National Helpline for Senior Citizens in kum upa te dikna leh chanvo sawrkar in dan hmanga a humhalh sak te leh harsatna an tawh thut a hriattur pawimawh chi hrang hrang zirtirna a pe bawk.

Chawhnu lamah free clinic neih a ni a. Aizawl khaw chhung MUP unit hrang hrang atangin member 280 in he programme hi an chhim a ni.

RRTC for Senior Citizen hi Ministry of Social Justice & Empowerment, Govt of India  hnuaiah MFM hi  Implementing Agency niin, Mizoram, Assam, Tripura leh Meghalaya te an enkawl mek a ni.