Mizoram Upa Pawl, Sub-Hqrs Mamit District chuan Assembly vawi 7-na vawiin chawhma dar 11:00AM khan Siamliana Hall, Mamit- ah  an hmang a, Dr. Lalrozama IAS District Bawrhsap chuan khuallian nia hmanpuiin Pu HD Lalpekmawia, SDO (S) chuan khualzahawm niin a hmanpui bawk.

Khuallian chuan, Kum lama Upate bula awm nuam a tih thusawiin hun vawn dik kawngah pawh thalai zawk te'n kan tluklo hle a ni tiin vawiin-a hun an vawndikna te chu a ropuiin thalaite tan entawntlak a ni a ti. Upa lam nih tawh chuan kawng hrang hrang hrangah mahni inkhawngaih a awl bik a, amaherawh chu tun thlenga hrisel taka in dam hi in vannei a, upa ten harsatna in tawh ang tawk phalo tamtak an awm laiin harsatna tamtak paltlang theia an awm chu an nihlawh zia an in hriat a duh thu a sawi,  Tin, upate hi in tu leh fate tan in hlu a, chumi piah lamah khawtlang, ram leh hnam develop na atan pawh in hlu in in pawimawh em em a ni a ti. Ram leh khawtlang rorelna-ah in thurawn kan mamawh em em a, upa te thu leh hla hi ram hmasawnna atan a bupui a ni a ti.

District Bawrhsap chuan Upa te chu ram rorelna kawngah pawh thluak fim zawk an nih avangin  theihtawp chhuaha thawhho puiah a sawm a ni.

Khualzahawm Pu HD. Lalpekmawia DUDO, UD&PA pawhin thusawiin,  Mizote hian upa te hi kan dah pawimawh viau anga a lan rualin kan tawngkam kan uluk tawk lo niin a lang a, tar kiring, tar chhia tih te kan hmang thin a, a pawi hle a ni a ti. Khawvel ram hruaitute kum 70/80 chuang ten ram an hruai a, an thluak a tha em em a, tar chhia, hmantlak loh an nilova, upa te hi khawtlang leh ram tan in hlu a, hriatna buhzem in ni, tin faina kawngah in tha leh zung tamtak in hmangthei tawhlo pawh a ni thei mahse tu leh fate entawn a, kawhhmuh theitu in ni a ti bawk.

Pu HD.Lalpekmawia hian UD&PA atangin tanpuina sumfai Rs 15000 a pe bawk a ni.

Mamit Sub-Hqrs MUP Assembly vawi 7-na hi Pu Z. Sangliana President in kaihruaiin Mizoram Upa Pawl, Mamit Sub-Hqrs Assembly ah hian zaithiam Pi Ruotmawi leh zaithiam dangten kalkhawmte zaiin an awi a ni. 

MUP Mamit Sub-Hqrs huam chhungah hian Area 9 awm mekin, chawhnu lamah an pawl hruaitu thar tur an thlang nghal bawk.