Vawiin khan Mizoram Upa Pawl General Headquarters office-ah tar leh upa te tana eizawnna ngelnghet an dap theihna tura chhawmdawlna tangkafai Help Age India-in a ruahman thin ADOPT-A-GRAN (AAG) SCHEME chu a vawi 2-na atan sem a ni a. Social Welfare Minister Pu P.C. Lalthanliana’n a dawngtu turte hnenah a hlan hlawm a ni.
Vawiina inkhawm hi MUP President Pu H.Raltawna’n a kaihruai a. Minister chuan thu sawiin tar leh upa te tana hetianga sum ruahman a awm chu lawmawm a tih thu leh a dawngtute pawhin an tangkaipui ngei a beisei thu a sawi.
AAG Scheme hi Help Age India-in kum 2003 atangin Mizoramah MUP kaltlangin an rawn ruahman a, he Scheme hi thingtlang lamah an la pek theih loh avangin khawpui chhung tan chauh kalpui rih a ni. A thawhkhatna atan he scheme dawng turin MUP member 30 thlanchhuah niin July 2003 atangin November 2007 chhung tanpuina Rs.450/- an dawng a ni. Tun tumah hian a thawhhnihna atan mi 30 thlanchhuah leh an ni a, December 2007 atanga May 2008 chhung thla ruk atan Rs.2700/- an dawng a ni.
AAG Scheme hi Help Age India-in kum 2003 atangin Mizoramah MUP kaltlangin an rawn ruahman a, he Scheme hi thingtlang lamah an la pek theih loh avangin khawpui chhung tan chauh kalpui rih a ni. A thawhkhatna atan he scheme dawng turin MUP member 30 thlanchhuah niin July 2003 atangin November 2007 chhung tanpuina Rs.450/- an dawng a ni. Tun tumah hian a thawhhnihna atan mi 30 thlanchhuah leh an ni a, December 2007 atanga May 2008 chhung thla ruk atan Rs.2700/- an dawng a ni.
